Directie Natuur en Milieu (DNM) un biaha mas kier logra haya mas persona pa yena e encuesta tocante uzo di productonan di plastic cu ta cualifica di ta di un solo uzo. Aña pasa October DNM a establece e encuesta pero e biaha aki, DNM a produci un video cu ta ilustra con por haya e encuesta y yena esaki. Por haya e video ilustartivo aki riba e facebook page dnmaruba. Cu e produccion aki nos muchanan ta puntra bo: ???? ??? ?? ??????
Na 2019, Aruba a aproba e ley prohibicion di productonan dañino pa medio ambiente (AB 2019no.67). E ley aki a drenta na vigor dia 1 di juli 2020. Nos sa cu e introduccion a impacta e consomidor y tambe e importador. P’esey ta haci un yamada riba e comunidad pa yena e encuesta. Bo por haci bo escohencia pa Papiamento of Ingles.
Si bo persona no sa kico ta prohibi pa ley y ta interesa den nos leynan local, por haya esaki riba e pagina di www.overheid.aw. DNM ta recomenda repasa e ley prohibicion di productonan dañino pa medio ambiente (LB. verbod voor het milieu schadelijke producten AB2019no.67),asina bo por kies pa e mihor escohencia.
DNM ta gradici nos dos actornan chiquito y tambe e dedicacion pa realisa esaki diparti nos stagiaire Gianira Maduro. Bo por comparti e link cu amigonan y famia y comparti e video pa nos logra e colecta data importante pa asina evalua e introduccion.