Tanki Leendert – Dialuna anochi posiblemente algo prome cu 10:30 dos dama lo a mester a topa pa haci busca un placa altura di Torino Sports Bar, pero nan lo a wordo sorprendi pa dos atracador arma cu cuchiu.
Polis cu a yega e sitio a baha y a bay paden di e sports bar unda cu e lo a haya extra informacion y despues a sali direccion Tanki Flip pa papia cu e victimanan.
11:24 p.m Vocero di Polis ta emiti un informacion oficial pa Prensa y e ta bisa lo siguiente:
” Cuerpo Policial ta informa:
Un rato pasa un atraco a tuma lugar ariba dos mucha muhe canando na altura di Torino Sports Bar & Grill na Tanki Leendert. 2 homber cu arma blanco den man a pone esaki na nan garganta y a bay cu tur nan pertenencianan.
Despues di esaki e dos mucha muhenan a cana te na un cas na Tanki Flip caminda nan a bati alarma.
Atracoteam y Slachtofferhulp a wordo poni na altura.
Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo”.
