Minister di enseñansa Armando Rudy Lampe a manda un email cu ta aproba e pago di e oranan extra di aña escolar 2019 -2020 y tambe e aña escolar di 2021 conforme e maneho cu tin.
E mandatario tabatatin reunion cu inspectie y DPS den oranan di atardi di diaranzon ultimo y a acorda cu ta cumpli cu e pago di e oranan extra conforme e maneho cu e oranan extra por bay solamente 4 ora extra riba e full time job. E director di EPI a keda poni na altura y a manda un e mail general diaranson anochi pa tur docente.
Minister di enseñansa di e manera aki tambe a cumpli cu e deadline cu a keda poni riba mesa pa por duna un contesta 4 di februari unda cu a confirma e pago. Minister Armando Rudy Lampe a keda sorprendi cu na momento cu a cumpli tog ta mira cu a sigui cu e protesta y a bay den accion.
Na momento cu minister di enseñansa a ricibi e notificacion cu nan lo sigui cu nan accion a yama director di EPI pa haya informacion y a resulta cu e docentenan no a keda contento cu ta comunica via E- mail y cu a duna di conoce cu nan no ta reconoce un E- mail y cu nan kier e decision via di un carta oficial y cu un firma di e forma tradicional.
E actitud aki ta condenabel mirando pa varios tempo caba ta traha via di E- mail y ademas tur dia docentenan ta traha via email cu nan alumnonan y ta E- mailnan oficial cu ta conta debidamente. Di ta desea un carta oficial y cu firma no ta haci ningun diferencia.
Sinembargo loke cu si ta resalta y por mira claramente cu e protestanan aki ta planea y no por a cancela nan a pesar cu Minister a cumpli, EPI hunto cu SIMAR y na e mes un momento tin mas accion di SEPPA y SKOA. Di e manera aki ta hiba e pensamento cu ta pone presion politico riba minister.
Minister a sinta caba cu inspectie y DPS pa trece un solucion riba e extra pagonan cu tabata urgi y tabata pisa riba e presupuesto di caha di gobierno. No tabatatin ningun motibo pa e accion di maestronan di EPI. Awor e docentenan ta menaza di bai den accion atrobe, pasobra ta exigi di minister di educacion un fecha di pago, pero esei ta den man di departamento di finanzas cu ta cai bao minister di finanzas. Minister di educacion no tin e autoridad pa duna fecha di pago y toch e maestronan ta exigi algo cu e minister no ta autoriza pa haci.
Lamentabel ta cu e accionnan aki ta perhudica e studiantenan debi cu nan si a keda scol sin haya les.