Home Local Rene Kock, candidato di partido politico RED pa 2021 : E cara...

Rene Kock, candidato di partido politico RED pa 2021 : E cara di rey of e escudo di Aruba. Un moneda tin 2 banda

SHARE

 

Den fin di siman por a tuma nota caminda cu un docente cu ta desea di keda anonimo a expressa su sentimiento nan ariba plataforma digital na unda el a vocifera su malcontento pa diferente motibo. Alaves el a duna di conoce cu pa es motibo aki ta desmotiva y ta analysa si e ta busca un otro  dunado di trabou. Den e fase aki  ta kies pa keda pasobra e no kier laga e alumnonan na caya. 

Dialuna ultimo nos por a wak cu maestronan di Colegio San Nicolas un bes mas a walk out despues di e rueda di prensa di Minister di enseñanza.  Ta na su lugar pa haci un análisis di e temporada den cual e minister actual a encontra e scol Colegio San Nicolas. Na comienzo di e termino nos por a ripara cu tabata tin protesta pa motibo cu e minister actual lo tabata kier a independisa scolnan publico pero den parlamento no a haña sostén pa esaki.  Si esaki a sosode e minister actual lo no ta mas e bevoegd gezag di scol nan publico y manera tur otro fundación tin un bestuur cu lo ta responsabel pa cu e maneha di e scolnan publico. Mirando cu parlamento no a bai di acuerdo cu esaki door di preshon di e veld e lo no ta husto pa tilda un minister di ta haci política cu e scol. Sin por lubida cu e gobierno anterior a hinca diferente autornan cu a parece riba nan lista político den colegio San Nicolas cu un Ministeriele besluit. Mirando cu tin miembro nan  di parlamento tambe a vota contra independisacion di esaki e lo ta na su lugar pa nan tambe carga e responsabilidad cu esaki no a sosode.

Mirando e rapport cu a wordo poni na desposision di prensa por mira lo siguiente. 

  1. Tabel 1 Klasnan ta wordo habri sin cu tin e cantidad di alumno pa haci esaki. Ref: Lessentabel CB1 & 2,H3/V3(AB 1999no. 62 bijlage A&B)
  2. Tabel 2 Den e cantidad di oranan pa cada vak no ta cuadra cu stipulacion di ley. ( LBHAM, juli 2015, AB 1999 no 62, bijlagen At/m F)

Den e tabel nan siguiente  ta duna un vista e situación di con e bezetting tabata prome cu a  attende cu nan riba e asunto aki y e situación actual.

Loque ta di remarca cu tin algún punto hopi importante den rapport di inspectie cu como mayor lo ta hopi preocupante. E tema di Veilig schoolklimaat. Akinan inspecteur ta constata cu no por papia di un scol sigur pa e siguiente motibo nan: 1. No tin un plan pa attende cu e seguridad di scol. 2 Door cu no tin surrveilance un problema por escala riba terreno di scol hopi liher y no ta descarta e posibilidad di bullying.

Den e parti di veilig leerklimaat inspectie ta duna un sugerencia pero no ta poni si esaki ta bon of tin cu mehora.

E parti mas alarmante ta unda cu inspector ta duna di conoce cu door di mustra e alumno su resultado nan pa mehoracion di su conocemento a bin descubri cu esaki tabata falta hopi resultado den e sistema di LVS. Esaki ta tarea cu tin cu tuma lugar den loque ta conocí den e ongebonden uren nan di e docente. 

E rapport ta conclui bisando cual ta e punto nan di attenshon cu lo mester attende cu ne pa mehora esaki. Den e conferencia di prensa Minister concerni a duna di conoce cu no por culpa e docente nan pa motibo cu tin diferente otro departamento nan di gobierno cu tambe a faya den e cuestion aki.  E ta placa di belasting ta wordo uza cual tin cu mira pa esaki wordo bon haci uzo di dje. Nos por mira cu e minsterio aki for di su comienzo a topa cu basta fraude den educación y ta atendiendo cu nan y tuma e decisión nan pa esaki no pasa mas.  A corto plazo minister a tuma decisión nan pa no perhudica e alumno nan di colegio San nicolas p acu nan examen. Pero si tin cu remarca cu e situación aki no por continua y decisión nan inpopular tin cu wordo tuma na bienestar di e alumno. Alaves tin cu remarca cu ja caba tin desaroyo nan positivo den e scol unda cu ta dunando lesnan digitaal. Esaki den e línea c uta stipula pa Hulanda pa garantiza cu mas studiante di Aruba ta termina nan estudio na dicho país. Hopi lo considera e minister aki como un controversia pero na final di día el a sa di tuma e decisiónnan cu tabata necesario pa reforma educación na Aruba. Ta obvio cu bo no por verwacht un resultado diferente haciendo e mes un cos pa aña nan largo.  

E ora e pregunta ta después di un rapport asina devastador kico docente nan c uta protesta lo a desea cu e minister mester a haci. Continua cu loque e rapport aki ta conclui of tuma decisión nan pa mehora loque no ta bai bon. Al final di día mayor nan y e pagador di belasting ta esun c uta financia tur loque ta pasando eynan y tin cu duna cesar loque ta di cesar cu e minister a duna e transparencia di publica e rapport asina tur hende por saca nan mes un conclusión.

 

Rene Kock