Home » Cu 70 aña ainda mi tin un bon bida sexual

Cu 70 aña ainda mi tin un bon bida sexual

by Admin
0 comment 233 views

Mi tin 70 y mi pareha tin 79. Mi tabata viuda pa 10 aña prome cu nos a topa otro. Aunke bida tawata solitario, mi no tawata buscando un pareha y mi no tawata interesa den sex, pasobra, imaginabo, sex na mi edad, ta cos imposibel…
Nos tawata conoce otro pa 15 aña pero algun luna pasa nos a cuminda combersa tocante e nificacion di bida, kiko bida ta encera. E combersacionnan aki a ocasiona un forma nobo di intimidad.
Mi a pensa cu fisicamente mi no lo tawata por sostene un relacion sexual mas y mi no tawata prepara pa e respuesta di mi curpa ariba un abraso y un sunchi. Pa mi sorpresa, mi no tawata sinti casi ningun inhibicion, y nos a cuminsa un relacion fisico hopi intenso y placentero.
Na comienso, no tawata tin penetracion. Mi pareha a haya remedi prescribi, pero el a nenga di uza esaki. E side-effects tawata mustra hopi malo y ademas, nos tawata disfrutando di nos relacion manera e tawata.
Gradualmente, nos a mira cosnan cambia. Mas confiansa den nos mes y den otro y mas afeccion a resulta den un experiencia mas completo y e placer y exito cu nos a sinti hunto a crea su propio circulo vicioso. Mi no ta sinti necesidad mas, pa conforma mi mes cu falta di sex pa motibo di mi edad. Tampoco mi ta mira pakiko mi mester tene mi mes na opinion of idea di otronan, pa locual ta trata mi bida y mi sexualidad. Mi ta spera di continua dunando y ricibiendo amor y placer pa e resto di mi bida.
Nos ta disfruta di un bida sexual envidiable, sin ningun metodo artificial. Si tempo mi tawata tin 30 aña nan a bisami cu ora mi yega 70 aña mi lo disfruta sex mesun hopi y cu practicamente mesun frecuencia, mi lo no a kere esaki, y probablemente e remarke aki lo a asta disgustami. Pero, keremi. Sex ta manera un bon biña. E ta madura cu edad. Y despues di algun tempo mi a bolbe namora di dje.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio