Home International Dos mucha decapita, tata a wordo deteni

Dos mucha decapita, tata a wordo deteni

SHARE

LANCASTER – Polis na Merca a detene un homber di 34 aña diabierna pasa, despues cu bomberonan a haya dos mucha morto den su cas na California. E homber a resulta di ta e tata di e dos victimanan. Tur dos mucha a wordo decapita.
E bomberonan a yega na e sitio pa motibo di un melding di un liek di gas, pero na nan yegada nan a topa cu e dos muchanan morto. E victimanan cu a wordo mata cruelmente, tawata un mucha homber di 12 aña y un mucha muher di 13 aña.
E curpanan di e muchanan tawata benta den nan dormitorio. No ta conoci con largo caba nan tawata morto. Ambos mayor tawata den e cas y a wordo interoga na warda di polis. E tata di e muchanan a wordo deteni.
Banda di e dos victimanan tawata tin dos mucha mas. Nan a wordo manda pa famianan di criansa.