Home Intimacy Mi casa kier un amante. Con mi por yude haya un?

Mi casa kier un amante. Con mi por yude haya un?

SHARE

Despues di 40 aña di matrimonio e ta buscando un ‘friend with benefits’. Na unda nos por haya un pareha sexual cu e por confia?
Nos ta un pareha pensionado, casa pa 40 aña. Mi ta adora mi casa, y e ta adorami. Ainda nos ta activo sexualmente, pero nos a papia tocante e probabilidad pa e busca un pareha sexual de bes en cuando. Nos niun di dos ta aproba pa bai online pa busca un candidato. Kiko abo ta sugeri nos, pa purba haya un “friend with benefits” pe, cu e por confia? Nos yiunan ta biba leu for di nos, pues nos no ta preocupa pa hende haya sa.
Contesta
E apecto fundamental ta “confiansa”. Nunca ta facil pa haya un hende cu bo por confia den cualkier aspecto di bida – finansas, trabou, limpiesa di cas, asta pelukeria – pues, naturalmente lo ta dificil pa crea un triad sexual cu boso por confia 100%.
E prome cos cu abo y bo casa mester discuti den detaye ta, kiko e “acuerdo” aki lo encera. Por ehempel, e lo ta OK pa e tercera persona ta un hende di e mesun ciudad, cu bo casa lo topa cune de bes en cuando? Bo lo risca di trece e persona aki den bo cas, of lo ta miho pa e topa cune na un otro lugar? Bo casa lo ta su so cu e persona aki, of abo lo ta presente? Cua ta e limitenan cu mester wordo poni? Kiko mester wordo considera pa loke ta trata safety? Jaloersheid ta algo normal den tur ser humano, y aunke abo ta kere cu e no lo bin, esey probablemente si lo ta e caso. Con bo lo trata cu esey? E detayesnan di su encuentronan lo wordo comparti?
Mester tin consentimento den forma cla y transparente, y esaki ta inclui e tercera persona. Kizas lo por wa un bon idea pa busca contacto cu un grupo estableci di “swingers” den bo comunidad, ya cu esakinan ta personanan mas “open minded” cu ya caba ta comfortabel cu relacionnan no-tradicional. Pero corda, cu ainda bo lo mester tene bo mes na reglanan. Percura pa bo ta cuidadoso y prepara bo mes pa sentimientonan y eventonan inespera.