Home » Accidente ariba J.E.Irausquin Boulevard a laga un persona herida atras y un dama deteni

Accidente ariba J.E.Irausquin Boulevard a laga un persona herida atras y un dama deteni

by Admin
0 comment 107 views

J.E. Irausquin Blvd – Diamars anochi algun minuut despues di e accidente na e crusada di Café 080 un otro informacion a drenta di un accidente altura di e post di Strandpolitie.

Eynan tambe lo tawata tin hende herida.

Na yegada polis a topa cu un Nissan March y un Toyota Yaris. Chauffeur di e Yaris tawata un dama actuando poco nervioso, cual ta logico durante cu un persona haye envolvi den un accidente. 

Polis a pidi asistencia di ambulance debi cu chauffeur di March a resulta herida.

Na e sitio por a compronde cu e dama na stuur di e Yaris lo a bay na su man robes y dal frontal contra e Nissan March, lagando e manehador herida.

Tambe e dama lo a bisa polis cu e kier of a hala su auto paso esaki tawata stroba trafico, algo cu un persona cu sa regla di trafico lo no haci.

Aki ta unda e dama tawata birando mas nervioso y na momento cu polis a puntre pa su rijbewijs esaki lamentablemente e dama hoben no por a mustre.

Pa loke ta e chauffeur di e March na yegada di Paramediconan nan a bay atende cu ne. Durante cu nan tawata canando bay ambulance e homber a  sak den otro y lo a haya un ataka.

Esaki a causa cu Paramediconan a actua di biaha. Segun nos por a compronde e cabayero lo ta sufri Epilepsia, despues di a stabilise na e sitio e la wordo transporta pa Hospital.

Pa loke ta e dama hoben agentenan na e sitio a bay over na detene pa core auto sin rijbewijs y a pidi transportwagen cu na yegada a hibe warda di polis. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio