Home Interviews VIDEO: Piscadonan local a wordo persigui pa 2 boto Venezolano cu menos...

VIDEO: Piscadonan local a wordo persigui pa 2 boto Venezolano cu menos bon intencion te cerca di costa di Aruba

SHARE

Savaneta: Diasabra manera ta custumber caba den oranan di anochi, e piscado Gregory Paesch cu un otro amigo mas a sali bay pisca, riba e boto Doña Elizabeth numera A-409. Den careda di 8’or di anochi na momento cu nan lo tabata lantando dos pisca, den e lus di e Faro di Macolla na e Peninsula di Paraguana, nan ta mira dos boto biniendo di zuid den nan direccion.

Mesora nan no a confia esaki y a dicidi di hisa anker y cuminsa bin direccion panort(Aruba), tambe nan a avisa A.P.A. y cu na su turno a bisanan pa yama Kustwacht, berdad nan papia cu Kustwacht y a duna Kustwacht nan coordinacion. Segun e piscadonan nan a sigui bin aden, y e dos botonan a siguinan te cerca di costa y ora nan a ripara cu nan ta hopi cerca di Aruba, nan a bira bay bek direccion pazuid. Undo cu uno a tawata luz paga y bayendo zuid bek e ora e la cende su luznan.

E piscado a pensa cu por ta nan tabata kier su boto mirando cu di dje ta den hopi bon condicion, of e por ta un revancha di e dia anterior cu Kustwacht a intercepta no solamente ilegalnan pero tambe 10 jerrycan yena cu droga tambe. E ofishi di pisca ta keda peligroso y pio cu e situacion cu Venezuela ta aden.

E tabata un momento di susto pero nan a sa di reacciona lihe y move bin bek aden. Segun nos a compronde for di un  piscado, cu awendia e piscadonan mester ta hopi mas alerta, pa motibo cu 20 of 30 miya pazuid of pabou di Aruba, tin botonan pirata cu 1 motor, asina nan mira un boto local den bon condicion piscando, nan ta bin haci mane nan ta ofrece pisca pero tin cu mal intencion tambe.  Esaki sigur ta algo peligroso, paso nan por djis tira e  localnan na awa y bay cu nan boto.

Kustwacht enberdad mester trata na cuida mas cu nan por, paso e situacion pa e piscadonan ta birando peligroso. Si e dos piscadonan aki no tabata asina alerto, awe nos por a bolbe perde dos piscado, sin sa kiko a pasa cu nan.

Danki na e reaccion rapido di Gregory y su amigo nan por a conta Arubanative.com loke a pasa ariba lama diasabra anochi.