Sero Cristal/Budui: Diasabra, algun persona canando, bayendo direccion di Budui nan a bin topa varios biaha cu poco carni manera mula benta riba e caminda.
Segun nos a compronde e carninan aki tabata tin veneno basha ariba nan. Mesora e personanan atento aki a piki tur e carninan, pa asina trata na evita cu bestia por come esaki y muri.
Tur cos ta mustra cu mester ta un hende cu problema serio mentalmente, cu via veneno kier mata bestianan inocente.
E persona cu a haci esaki mester ta un persona hopi peligroso y cu lo mester ayudo psikologico hopi urgente, paso si e ta capas di mata un bestia inocente cu no a haci su persona nada, e lo por ta capas di mata of haci un hende inocente tambe un daño.
Spera cu e persona of personanan cu a benta e carni venena riba caminda refleciona y no haci esaki mas, si un cacho of pushi haci algo cu bo no gusta dirigi bo mes na e doño of na autoridad, pero no kita bida di un bestia inocente, nan tambe tin derecho di biba.