Un conductor di trein na Hulanda a logra scapa cu suerte danki na un obra di arte instala na e lugar preciso.
Diasabra pasa, algo prome cu mei anochi, un metro-trein na Spijkenisse, cerca di e ciudad di Rotterdam, a pasa door di un barera na final di e pista.
Pero en bes di cai 10m den e awa mas abou, e trein a keda wanta.
El a keda balansa ariba un escultura grandi di un bayena na De Akkers metro station.
“Nos ta bezig ta wak con nos por baha e trein aki na un manera cuidadoso y controla,” un di e oficialnan a bisa NOS dialuna pasa.
E conductor, kende su nomber no a wordo menciona, a logra sali su mes for di e trein, cu tawata bashi na e momento ey. El a wordo hiba hospital pa un check-up pero no parce di a sufri ningun herida.
E escultura, yama “Whale Tails”, cu ta un obra di e arkitecto Maarten Struijs, a wordo lanta den e awa na final di e pista, na aña 2002.
Struijs a bisa NOS cu e ta sorprendi cu e escultura no a kibra.
“E tawata eynan pa casi 20 aña … y bo lo a spera cu e plastic lo a sikiera bira un tiki zwak, pero aparentemente esey no ta e caso,” el a bisa.
“Mi lo zorg pa saca algun portret,” el a agrega. “Nunca mi a imagina esaki.”
Fuente: BBC
