Home » Western Union ta cera su portanan na Cuba: Cubanonan ta perde acceso vital na placa despues di e ultimo sancionnan di Estados Unidos

Western Union ta cera su portanan na Cuba: Cubanonan ta perde acceso vital na placa despues di e ultimo sancionnan di Estados Unidos

by Admin
0 comment 55 views

 

Mas di 400 oficina di Western Union na Cuba lo cera nan portanan, como consecuencia di e ultimo sancionnan imponi door di Estados Unidos.

Dayane Medina, un mama di 30 aña, tawata sperando pa bai busca un suma equivalente na 65 dollar cu su wela, biba na Jacksonville, Florida, a mande e siman aki.

“Mi no gusta pidiele place, e ta demasiado generoso,” el a bisa, confesando cu tin bes su wela ta bende stampianan di cuminda pa recauda placa. “Pero ami no tin trabou na e momento aki y mi casa ta un dokter, pero nos no por biba di su salario di 62 dollar pa luna.”

Dayane, su casa y nan dos yiunan lo bai haya nan mes forsa pa busca un manera.

E decision di e siman aki lo haci e acceso na placa imposibel pa hopi hende y lo haci mas grave e crisis economico na e pais.

E decision tawata un reaccion ariba e sancionnan reciente di Estados Unidos: Na juni e administracion di Trump a pone Fincimex, un compania lidera pa militarnan di e regimen Cubano, cu ta procesa envio di placa pa Western Union, ariba blacklist. Siman pasa companianan Mericano a wordo prohibi di haci cualkier negoshi cu Fincimex.

E secretario di estado, Mike Pompeo, ta bisa cu e medida aki di Estados Unidos ton como meta pa corta acceso di e regimen Cuban na “recursonan inapropia”.

Esakinan ta e medidanan di mas cruel y inhumano tuma door di e administracion di Trump contra e pueblo Cubano”, asina Ric Herrero, director ehecutivo di Cuba Study Group, cu ta boga pa mehoracion di e contacto cu Cuba, a bisa. “Placa destina pa famianan ta un manera pa miyones di Cubano por biba, especialmente ancianonan y esnan mas vulnerabel.”

E placa cu ta wordo manda door di Americanonan di origen Cubano, ta zorg pa anualmente mas di $3 biyon di ayudo pa e economia zwak di Cuba. Aunke cu informacion exacto no ta disponibel, envio di placa door di famianan, probablemente ta e isla su di tres fuente di placa despues di turismo y exportacion di servicionan medico.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio