Home Police Dos ruman a bringa, unda un a wordo herida cu un obheto...

Dos ruman a bringa, unda un a wordo herida cu un obheto skerpi

SHARE

Gielstraat – Diasabra merdia pa mas o menos 12:30 polisnan a wordo manda Gielstraat, unda cu dos ruman lo bringa y herida otro.

Na yegada di polis nan a pidi pa ambulance, debi cu un di e rumannan ta herida pero no di gravedad.
E agresor ya no tawata na e sitio, y polisnan a cuminsa tira bista rond.

Algun departamento concerni a wordo poni na altura di e caso.
Ambulance a yega y na yegada Paramediconan a baha papia cu ne.
Despues por a mira esun herida cana bay den Ambulance, unda cu e la ricibi asistencia medico.

Algun rato despues autoridad a localisa e cabayero y a detene mesora.
Transportwagen a presenta y a hiba e homber direccion Warda di Shaba.