Home Police Candela den oranan di marduga na adres conoci na Shiribana

Candela den oranan di marduga na adres conoci na Shiribana

SHARE

Shiribana – Dialuna marduga drn careda di 2’or polis y brandweer a bay direccion di Shiribana, poco pabou di Subway.

Na e cas conoci unda adictonan sa frecuenta tawata basta huma parti patras.

A resulta cu algo tawata na candela.

Na yegada di bomberonan mesora nan a parti pabou di e cas y a cana bay patras unda e candela tawata.

A resulta cu tawata tin sushi na candela, no ta prome biaha cu na e mesun area aki nan ta sende candela.

Bomberonan a basha awa ariba e candela, mientras polisnan a bay paden di e cas y a lanta e doño.

Por a mira cu polisnan a papia cu e doño den e veranda di e cas dilanti.

Despues di esey, tanto polis como bombero a bandona e adres.