Home Police Kustwacht patruyando y controlando riba lama

Kustwacht patruyando y controlando riba lama

SHARE

Un control grandi a wordo teni riba lama den e area di Highrise Hotel, esaki en coneccion cu entre otro, e decreto Ministerial pa combati Covid-19, cual tambe ta aplicabel riba lama.

Palm Beach: Diabierna ultimo un team grandi consistiendo di Warda Costa, Guarda Nos Costa, Salubridad Publico, DIMAS Y KPA a tene un control riba lama den e area di High Rise Hotel. Varios boto a wordo controla, e control a wordo teni riba documentonan valido y si nan ta cumpliendo cu e medidanan di Covid-19, stipula pa Gobierno di Aruba.

E team a controla entre otro si e personanan abordo di e botonan, tabata tin mondkapje bisti, si tin handsanitizer abordo ysi nan tabata aplicando distanciamento social. Tambe nan a controla si riba e boto tabata tin stickers of signs caminda ta menciona e medidanan aki. E personanan cu ta traha cu cuminda, mester a mustra e team cu nan tin un caarchi berde valido y tambe a controla riba siguridad general riba e botonan.

Kustwacht ta pidi tur hende pa cumpli cu tur e reglanan valido y percura pa bo tin tur bo documentonan na ordo, na momento cu bo subi lama cu boto. Riba boto percura pa bo mantene bo mes na e reglanan stipula door di GObierno di Aruba, manera Distanciamento social, mondkapje, handsanitizer etc.

Warda Costa ta conseha tur doñonan di boto pa mantene nan botonan regularmente. Percura pa nan tin suficiente ekipo di siguridad y ekipo di rescate a bordo manera; lifejackets, flashlights, first aid Kit, suficiente awa, Fire extinguisher, VHF Radio y charger pa celular.

Preveni malora y situacion peligroso cu lo por presenta riba lama cu bo boto.

Si acaso bo tin mester di ayudo, por yama Warda Costa na e number 913.