Home Dutch Kingdom Kuerpo Polisial di Korsou ta informa: Detenshon den kaso di asesinato na...

Kuerpo Polisial di Korsou ta informa: Detenshon den kaso di asesinato na Skalo.

SHARE

Kontinuando ku e investigashon relashoná ku e kaso kaminda djasabra dia 10 di òktober 2020 a bin topa un hòmber morto den Skalo (komunikado di prensa 397/2020), polis a hasi un detenshon.
Alrededor di 15.45’or, Tim di Aresto huntu ku e tim di reshèrshi ku ta investigá e kaso aki a bai na un adrès den Kleermakersweg, na unda nan a hasi detenshon di un hòmber.
E hòmber sospechoso P.A.M.A di 46 aña di edat nase na Venezuela a keda detené den e kaso aki en konekshon ku asesinato di e víktima.
A presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.