Problema entre dos dama adicto a termina cu un herido y un detencion

Kerkstraat – Diadomingo anochi den careda di 8or polis a bay banda di e edificio di Panaderia Moderna, unda lo tin problema entre dos muhe.

E muhenan aki un di nan lo corta/hinca e otro, tawata trata di dos adicto. Ambulance tambe a presenta, debi cu un di nan a wordo herida na altura di su schouder.

Polis a bay over mesora na detencion di e otro dama cu ta un adicto, e la wordo poni den boei.

Transportwagen a wordo pidi pa asina hiba e dama agresor warda.

E otro dama adicto a wordo hiba Hospital pa haya tratamento.

Kiko a conduci na e agresion no ta conoci. Ariba acera tawata tin un boter di Rum kibra y cu basta sanger na dje.