Ta cla ainda den nos memoria con un señora di edad mediana, hoben ainda a yama e linea di urgencia manera a wordo poni den e protocol ya cu el a wordo diagnostica cu Covid-19 tres dia prome cu e tragedia lamentabel aki.
E ambulance cu a wordu pidi e momento ei,cu urgencia no por a bai yuda e persona aki pasobra e patient mester comunica cu su dokter di cas of e dokter cu ta na warda prome. E patient aki tabata sufri di astma y esey hunto cu e Covid a hiba cu el a perde su bida.
Casonan manera esaki ta idigna nos como ser humano, paso loke tin na wega ta e bida di un ser humano, cu por ta entre otro un conosi ,un famia, un ruman etc..
E caso di e amiga aki ta uno di tanto casonan cu ta papia di e situashon tragico cu hopi Arubiano y residente di e pais aki ta confrontando.
Dilanti un situashon asina, ta corresponde na nos pimeramente como ciudadano preocupa pa trese 3 punto hopi importante na oido di nos pueblo.
Na prome lugar;
E cosnan semper lo bay nos hopi malo ora nos duna e situashon no normal manera e pandemia aki un maneho politico y no uno profesional.
E no por ta asina cu esnan cu ta tuma e decishonnan ta e politiconan cu hopi biaha nan no tin niun idea con pa hendel e asunto, mas aun si e minister actual concerni no ta un dokter, y pa colmo no ta tuma e opinion di e expertonan na cuenta.(efocando ariba e dokternan cu si a bin dilanti y a bisa e cosnan manera ta, no manera hopi cu a hanja un bonus pa keda ketu of pa papia disparate.
Nos no por maneha e tragedia aki for di un oficina di gobierno y deliberamente ignora e opinion di expertonan.
Danki na algun medico Italiano cu a rebeldia contra e protocolnan di WHO nos por a compronde mas tocante e virus aki y cantidad di bidanan por a wordo salba. Danki na voznan profesional y serio den nan tratamento sigur y specifico por a wordo duna na e personanan aki.
Na di dos lugar;
Nos mester cambia e politica di salud di Aruba. Mester elimina hopi obstaculo y burocracia.
Nos mester di un politica di salud cu di berdat ta sirbi nos pueblo cu ta paga pa por ricibi atenshon eficiente y lihe. Si no por cu e challenge aki mester durf e ora ei pa privatisa e sector aki. Si e personan ta paga y no ta wordo atendi manera mester ta ,nos ta sigur cu mayoria di nan lo ta dispuesto pa usa nan plaka den area priva cu si ta garantisa nan salud, anto di calidad.
Esnan cu ta goberna mester compronde cu e meta ta pa salba bida y no sigui mantene un sistema cu no ta brinda e solushon, mas bien ta uno cu ta duna di compronde cu hende su bida no ta conta (of hende no ta central). Con ta posibel cu un Dr di pulmon cu a huramenta pa salba bida ta bin bisa pueblo pa keda cas, lubidando cu manera e como profeshonal tambe mester traha pa trese pan ariba mesa..Mas bien e hospital mester a bati alarma na nos madre partria masha tempo caba pa risibi ayudo cu nan situashon den Hospital y na su turno maneja e hospital di tal forma cu e patientnan cu mester di urgent care no wordo perhudica. A sabenda cu Pais Aruba tin un agreement cu paisnan den Reino y Hulanda den e Rijkswet cu a pasa na 10-10-10. , cu no ta un punto di discushon den cuadro di e concensus wet.
Na di tres lugar:
Na lugar di keda sera( den quarentaine) of di trata un politica di miedo loke tin mester ta un structura moderno di salud cu ta encerra prevenshon. Partido Curpa for di 2009 ta e unico partido cu ta tin e solushon aki den nan plan di manejo “un Aruba Nobo” pero e pueblo a opta democraticamente pa pais Aruba wordo maneja pa partidonan tradicional cu tur concecuencianan cu nos ta den awe.
Enbez di ta sera den cas, e personanan aki por sigui e modelonan di entre otro paisnan manera Sweden, Australie, Singapore, Uraguay unda nan a proteha e gruponan mas vulnerable, manera e ancianonan y pashentnan cu historia di enfermedadnan cronico asmatico.
Ta demostra cu e politica di encierro y restriccionanan a hasi e problema pio.
Mester inverti den politica educativo cu ta permiti cu e sistema imunilogico di nos hendenan wordo fortalese manera recientemente e presidente cuestiona di WHO a bisa: Nos mester ta prepara pa e siguiente pandemia (Ya cu esun aki no a funkshona manera planea). Nos mester di un clase di manejo politico nobo cu ta interesa den e bida di e hende y no den e deseo di keda goberna NO MATTER WHAT.pa probecho propio of di friends and family.
Mester hasi cambionan berdadero. Mester di un fundeshi nobo y nos como partido CURPA si por garantiza esei.
Ta ora pa lanta foi soño!!!
Max Robert
Directiva di C.U.R.P.A.