Home Local Hues a dicta cu Pais Aruba a actua contra ley y a...

Hues a dicta cu Pais Aruba a actua contra ley y a honra peticion di Anouk Balentina 

SHARE

 

A tuma nota cu a sali varios articulonan na unda ta parse cu ta purba desvia pueblo encuanto e veredicto di dia 21 di augustus 2020 den e caso Balentina contra pais Aruba.

Den e caso menciona hues a dicta cu pais Aruba a actua contra ley (onrechtmatig) y inhusto contra entre otro Balentina y su famia y hues a honra e peticion di Balentina (vordering a) pa stop pais Aruba de inmediato di opera of laga opera e incinerator. 

Den su evaluacion encuanto Parkietenbos hues a menciona entre otro:  

“ 4.7.2.Vast staat dat het Land niet beschikt over een hindervergunning ten behoeve van de oprichting van de incinerator, en gesteld noch is gebleken dat het Land beschikt over een Landbesluit in voormelde zin”. “Door in weerwil daarvan evenwel een incinerator op het terrein van de vuilnisbelt op te richten en en ook nog eens naar eigen zeggen van het Land testmatig in werking/bedrijf te stellen handelt het land onrechtmatig jegens onder meer (het gezin van) Balentina” . “Het Land zal daarom worden bevolen om de verdere oprichting en het al dan niet testmatig in bedrijf stellen van de incinerator per onmiddellijk te staken en gestaakt te houden tot het moment dat het Land de in aanvraag zijnde hindervergunning heeft verkregen. De vordering onder a zal in elk geval in zoverre worden toegewezen als na te melden, nu in het licht van het hiervoor geschetste in een bodemprocedure een gelijk oordeel valt te verwachten”  Esey ta e palabranan exacto di hues.

Hues den su evaluacion 4.7.2 a menciona cu pais Aruba a actua contra ley, contra entre otro Balentina y su famia, locual ta ensera contra otronan tambe.  

Den e sentencia Hues a impone 7 prohibicion y 3 obligacionan pa pais Aruba y a stipula entre otro un dwangsom (multa) si pais Aruba no tene su mes na e  prohibicionnan.

Balentina a representa su mes y su yiunan pero a logra pa trece alivio pa ful e bario.

Balentina a entama e caso riba su nomber (demandante: Anouk Balentina) y no a pretende di ta representa tur habitante manera ta wordu insinua. Balentina y su famia tambe ta habitante di Parkietenbos. Y no por kita afo cu mehoracion di medioambiente na Parkietenbos y Sero Teishi lo tin beneficio pa tur habitante di e bario y  futuro generacion como tambe flora y fauna di Parkietenbos. 

Balentina kier a aclarea tambe cu el a biba henter su bida na Parkietenbos y no 7 anja so.

Dwangsom stipula pa obliga gobierno cumpli cu sentencia

Ningun di Balentina su demandanan tabata pa enriquese of privilegia su mes manera ta wordo incorectamente insinua.

Pa loque ta trata e demanda pa pais Aruba paga dwangsom ta algo cu normalmente ta wordo pidi den casonan den corte pa obliga e contrapartido pa cumpli cu e sentencia di hues. Ta solamente si e no cumpli cu sentencia di hues tin cu paga dwangsom. Den e caso aki Balentina tabata tambe di acuerdo pa eventuele dwangsommen bay pa otro instancia y no a contradesi esaki “(onbestreden”).  

Daño di perhuicio pa cubri dañonan ocasiona injustamente door di un contrapartido ta un derecho cu tur ciudadano tin y pa cual e contrapartido tin cu responsabilisa su mes. Pa loque ta trata relocacion esaki no ta ningun privilegio ni algo inusual na momento cu molesternan (overlast) ta afecta nan salud. Tur habitante den condicionan igual tin e mesun derecho di pidi esaki. Den e caso aki hues a considera cu no tin spoedeisend belang (pura), mirando cu a pone tanto obligacionnan y prohibicionnan caba pa pais Aruba cumpli cune. Ta trata di un caso sumario (Kort Geding). E peticionnan aki lo por bini eventualmente bek den un bodemprocedure.

Precion via caso den corte a conduci na alivio molesternan di Seroe Teishi

E caso cu Balentina a lanta a forza cu Serlimar a sera un contract cu Ecogas pa cuminsa alivia e situacion di molesternan.

Net dos dia prome cu e tratamento di e caso den corte, pues dia 18 di februari 2020 Serlimar a firma un contract cu Ecogas pa asina por mustra na hues cu nan ta trahando riba un solucion pa procesa e balesnan na manera mas responsabel. E abogado di pais Aruba a admiti durante e caso cu e trabounan  tabata wordu mal haci.

Esaki tambe ta describi den e vonnis den evaluacion  4.10: “ Wat betreft de vuilbegraafplaats te Seroe Tijshi wordt hetvolgende overwogen. Vast staat dat in het niet ver voor de aanvang van de onderhavige procedure gelegen verleden zich aldaar regelmatige spontane branden voordeden als gevolg van het niet op de juiste wijze begraven van commercieel- en huisafval door of vanwege Serlimar. Ter zitting heeft Balentina zelf gesugereerd dat die werkzaamheden uitbesteed moeten worden aan het bedrijf dat thans die begraafwerkzaamheden verricht, omdat het volgens haar heel veel professioneler en deskundiger zou zijn dan Serlimar.” 

Hues a nota durante e descente na su opinion preeliminar cu tin bastante mehoracion na Seroe Teishi compara cu poco tempo prome. E caso sin duda a pone precion riba Pais Aruba kende a compromete den corte pa den 3 luna mehora e situacion. 

Te akinan mi version pa aclarea un cu e otro.

Anouk Balentina

 

Prohibicionnan pa pais Aruba den e sentencia: 

5.2 Ta prohibi pais Aruba de inmediato pa sigui crea, test of opera e incinerator tanten cu pais Aruba no tin e permiso necesario (hindervergunning);

5.3.Ta  prohibi pais Aruba despues cu hanja vergunning pa test of opera e incinerator si e biento no  ta   supla claramente direccion for di tera pa laman; 

5.4 Ta prohibi pais Aruba despues cu hanja vergunning pa test of opera e incinirator sin cu a pone un bon windvaan (pa mustra direcshon di biento) den cercania di e escape (“uitlaat”) di e incinerator y den aire liber y visibel pa tur hende for di  Bucutiweg;

5.5 Ta prohibi pais Aruba despues cu hanja vergunning pa test of opera e incinerator sin pone eynan un bandera cora bon visibel pa tur hende for di Bucutiweg como senial cu ta haciendo test of operando  e incinerator;

5.6 Ta prohibi pais Aruba de inmediato pa laga Serlimar of otro personanan admisibel na e dump pa kima sushi of desperdicio di cual sorto cu ta riba e tereno di dump den aire liber si e biento no  ta  supla claramente  direccion for di tera pa laman; 

5.7 Ta prohibi pais Aruba de inmediato pa laga kima sushi den aire liber riba tereno di dump sino ta den e parti destina pesey cual ta full zuidoosten di e dump cerca di canto di laman;

5.8 Ta ordena pais Aruba pa cada vez y mas tanto vez cu ta razonabelmente posibel pa haci esfuerzo pa paga of laga paga candelanan espontaneo of illegal riba dump y en todo caso mesora cu e biento na Dump no  ta  supla claramente direccion for di tera pa laman; 

5.9 Ta stipula cu deurwaarder tin, cu e sentencia aki den su man, entrada liber tur ora pa e tereno di dump pa controla si pais Aruba ta cumpli of no cu e prohibicionan menciona;

5.10 Ta stipula ademas cu tur locual a wordu dicidi bow di puntonan 5.2 te cu punto 5.9 ta keda valido te ora wordu dicidi otro den un bodemprocedure;

5.11 Ta stipula cu pais Aruba lo tin cu paga un dwangsom di f5000  na Rode Kruis pa cada dia of parti di dia cu pais Aruba no atene su mes na e puntonan 5.2 te cu punto 5.7 te na un suma maximo di f500.000;