Home Local RSI ta invita Aruba henter pa su Findishi di Auto Diasabra awor...

RSI ta invita Aruba henter pa su Findishi di Auto Diasabra awor 12 di September!

SHARE



ORANJESTAD, Aruba
Recovery Solutions & Investigations (RSI) ta invita henter communidad di Aruba y especialmente tur su comerciantenan y fanaticonan di auto pa e di ocho evento di findishi cu un variacion di vehiculo espectacular.  RSI ta conosi den communidad di Aruba pa entre otro tene diferente tipo di findishi y 12 di September Diasabra awor lo conose un di su findishinan di mas grandi di auto na Aruba.
Lo tin diferente auto na diferente prijsnan pa Aruba henter por cumpra of gana durante e findishi.  Lo tin diferente tipo di vehiculo manera SUV, Sedan y Compact Cars y diferente marca. Un variacion pa cada famia por bin y tira un bista y tambe participa den e findishi mes. E dia lo wordo hinka den otro na tal manera cu Diasabra mainta trempan pa 8:30 AM lo cuminsa cu un “kijkdag” unda cu publico henter por pasa wak tur e autonan riba e tereno di RSI. Esaki lo ta posibel te cu 12:00 PM di merdia. Esnan cu lo kier cumpra e autonan prome cu e findishi di atardi tambe lo por hasi esaki. E findishi mes lo cuminsa 2:00 PM di atardi te cu 6:00 PM di atardi. E estilo di e findishi lo wordo teni den forma di “Auction” manera esaki ta wordo hasi internacionalmente. Aruba henter ta keda cordialmente invita pa e dia di findishi aki pa wak y participa na e evento di findishi organisa pa RSI Aruba. Un variacion tremendo di auto acompaña cu un kushina y bar bon sortia cu diferente snacks y bebida.