Home Local Juffrouwnan y mayornan tin cu para den higra di solo warda e...

Juffrouwnan y mayornan tin cu para den higra di solo warda e muchanan sali for di scol

SHARE

Cadushi Largo: Na Sint Jan Kleuterschool, tur merdia ta un castigo pa mayornan y juffrouwnan di e scol. Juffrouwnan mester keda para na e porta di cura di scol, warda te ora tur mayor busca nan yiunan y e no ta solamente juffrouwnan ta haya molester di e solo fuerte, pero mayornan of otro hende cu tin cu busca e muchanan for di scol mester keda basta rato para den e higra di solo te ora ta e turno di nan yiunan of e mucha cu nan a bin busca, pa e sali pafo di scol.

Un mayor a acerca nos bisando nos cu e situacion aki ta horibel no tin niun sombra, vooral cu e calor insoportabel cu ta bin ta haciendo den e ultimo dianan aki. E mayor a bisanos cu e tin duele pa e juffrouwnan tambe, cu mester keda para na e porta di scol te ora tur mucha wordo busca.

No ta na Sint Jan School, pero na varios otro scol tambe mayornan y juffrouwnan mester para basta largo den solo y den e calor insoportabel aki.

E mayor a comenta bisa cu ta spera cu pronto bin cu un solucion di pone tent of laga e muchanan den klas caminda mayornan mes ta bay paden busca e muchanan. Paso e sistema actual ta hopi sofocante pa mayornan y juffrouwnan para den e solo fuerte di merdia.