Home Politics Alan Howell ta gradici e confiansa deposita den su persona un biaha...

Alan Howell ta gradici e confiansa deposita den su persona un biaha mas como Vice Presidente di Parlamento

SHARE

 

 

Dialuna 7 di september a tuma luga e votacion den sala di Parlamento pa loke ta Presidente y Vice Presidente pa e siguiente aña parlamentario.  Alan Howell como Vice Presidente di Parlamento a wordo reelegi un biaha mas cu 10 voto na fabor.

Alan Howell a gradici tur su coleganan den Parlamento cu a deposita e confiansa den su persona pa ocupa e posicion di Vice Presidente di Parlamento, cual ta uno di gran importancia tambe mirando cu na momento di ausencia di Presidente, ta e persona yama pa ocupa e posicion aki.

Howell a sigura cu el lo sigui haci su maximo esfuerso pa representa nos pueblo dignamente no solamente como Vice Presidente di Parlamento, pero tambe como parlamentario di Pais Aruba. Pa termina, Alan Howell a felicita Presidente di Parlamento reelegi mr. Ady Thijsen.