Home Local E naranjadonan di Santa Cruz ta di fiesta “Estrella ta celebra su...

E naranjadonan di Santa Cruz ta di fiesta “Estrella ta celebra su 72 aña di existencia”

SHARE

Awe 1 di September ta net 72 aña (funda 1 september 1948) pasa cu grupo di Frerenan di Santa Cruz , cu Frere Fredericus (q.e.p.d) na cabes a funda SV Estrella. Ta pesey nos no por laga e dia aki sin mas pasa sin recorda e historia di Estrella y cuanto alegria e organisacion a trese pa e barrio di Santa Cruz y Aruba en general.

Ta hopi mucha y hoben nan a wordo forma den e 72 anan aki den Estrella cu awe ta hendenan ehemplar den nos comunidad, y sigur tambe nos libertador Betico Croes (q.e.p.d).
SV Estrella seccion futbol ta manda un pabien grandi na tur su miembronan, colaboradornan, coaches, lideran y tur esnan cu di un manera of otro ta sostene y na esnan cu a traha e fundeshi pa loke Estrella a significa den su historia pa e bario y Aruba.

Mirando cu e temporada cu nos ta pasando aden no tin deporte di equipo cu su Campeonato oficial y tampoko no por celebra manera cu mester, nos lo tin e pasenshi pa warda e miho momento pa cu esaki.
Pabien un biaha mas na e famia Oranjo di Estrella.
Directiva di Estrella seccion futbol.
Presidente Denchi Werleman.

Arubanative.com ta felicita e directiva, tur hungado y simpatisantenan di Estrella riba e dia special aki