Home Corte Homber condena na 5 aña di prison pa abusa di muchanan durante...

Homber condena na 5 aña di prison pa abusa di muchanan durante duna huiswerk

SHARE
Oranjestad: Diabierna mainta sentencia a cay den e caso di un meneer cu tabata yuda muchanan cu nan huiswerk, dus huiswerkbegeleiding.

E hues cu na principio a trata e caso tabata su ultimo caso y a regresa Hulanda.

Un otro hues di Aruba estableci na Korsou a sigui riba e caso aki.
Corte a haya e homber di inicial T culpabel di a abusa di e dos muchanan.
Corte a usa declaracionnan di diferente testigo y tambe di e muchanan.

Hues a reaciona riba e ponencia di e abogado cu a pidi pa declara su cliente liber. Pa motibo cu e declaracionnan usa di e victimanan ta consistente y ta crea duda.

Hues a haya cu no tabata tin penetracion sexual, pero cu dede.
Hues a haya cu enberdad e declaracion nan di e victimanan tabata ariba cierto puntonan tabata dudoso pero e diferencianan no tabata grandi.

E menornan a declara unda y con abusonan a sosode. Nan declaracion a wordo comproba pa un otro mucha cu a declara cu e porta di e camber unda T tabata cu e muchanan tabata cera.
Tambe e la sigui declara cu na momento cu e porta di e camber a habri e dos muchanan tabata riba e cama na panty.

Esaki ta loke T mes a declara cu nan tabata na panty y tabata lock e porta.
E hues a haya cu ela usa e pretexto di duna huiswerkbegeleiding pa asina e por a abusa di e muchanan den e camber porta cera.

Esaki a wordo sosteni pa varios testigo.

For di e investigacionnan haci no por a comproba cu T. Ta un pedofiel of tin un preferencia di tene relacion sexual cu menor.

Corte a haya T culpabel di tabata relacion sexual cu muchanan bou di 12 aña y esaki a pasa varios biaha.

Ta trata di hechonan grave cu a sosode durante un temporada largo den cas di e wela di e victimanan.

Corte ta haya cu e muchanan mester por a sinti nan mes sigur na e cas di nan wela.
E caso aki ta uno hopi grave, mirando cu ta trata di famia mes y sigur ta afecta e victimanan den nan desaroyo pa bira adulto.

Pa ora ta trata di muchanan cu no famia corte ta exigi 4 aña, den e caso aki fiscal a exigi 6 aña. A tene na cuenta cu raportnan di psycologo y psykiater cu T ta responsabel pa su actonan. Hues a baha e exigencia di fiscal pa 5 aña y a honra e peticion di daño haci y T meste paga cada un e suma di 5 mil florin.
E condena final ta 5 aña di castigo di prison.