105
Sero Biento – Diamars mainta den careda di 9’or polis a bay e crusada cu ta bay pa Verano o sea e crusada den e caya pabou di Well Well Bar Restaurant. Ey un Scooter di Post Aruba a haya su mes envolvi den un accidente.
Informacion adicional tawata cu e postbode a keda drumi ariba caminda, despues di e accidente. Un poco mas leu por a mira un pick up cu material di construccion para.
Na e sitio a compronde cu e Nissan pick up pa un of otro motibo no a regula su velocidad y a dal e Scooter di patras. Esaki a pone cu e manehador di e Scooter a resulta herida cu dolor na lomba.
Ambulance a presenta na e sitio y despues di a splica e postbode un ke otro a lanta pone ariba e stretcher pa asina nan atende cu ne. Na e sitio a yega funcionarionan di e Post Aruba, cu a lanta e postnan cu mester a wordo entrega y tambe tuma nota di kiko tur a pasa.