Riba su red social Ex Promer Minister Mike Eman a comparti e ultimo informacion riba tratamento medico di su esposa Doina Eman. Mike Eman ta gradici tambe tur esnan cu ta duna nan sosten y apoyo den e trajectoria di tratamento aki. Eman ta bisa cu e siman aki Doina lo haya su di seis chemoterapia y cu nan ta resa cu esaki lo bai bon y tur testnan cu lo sigui despues.
Cu e palabranan aki Ex Promer Minister Mike Eman a comparti e siguiente informacion y palabranan di gratitud pa e sosten pa cu e trajectoria di tratamento medico di su esposa Doina Eman riba su red social:
“Amigonan, Friends, Un Diadomingo Bendiciona pa Boso tur cu e mihor desonan pa Boso salud y felicidad. E siman aki Doina ta haya su di seis chemoterapia y nos ta resa cu esaki lo bai bon y tur testnan cu lo sigui despues. Boso sosten y oracion ta duna nos forza den henter e trajecto aki. Danki di curason pa esaki y nos lo keda semper pendiente di Boso tur cu hopi stimacion y gratitud. Un caluroso abrazo y hopi Bendicion pa Boso tur. [Mike y Doina]”.