Home Police Agente policial a perde su bida den accidente fatal na Sero Pita

Agente policial a perde su bida den accidente fatal na Sero Pita

SHARE

Sero Pita: Diasabra algo prome cu 11’or di anochi, algun minuut prome cu Toque de queda a drenta na vigor a sosode un accidente entre dos auto riba e caminda di Sero Pita un poco pazuid di e crusada.

Na yegada di polis nan a bin topa cu un accidente frontal, hopi serio den cual dos persona a keda seriamente herida y un tabata teme pa su bida, mesora nan a pidi pa presencia di dos ambulance y tambe materiaalwagen di brandweer. Hopi lihe dos ambulance a yega na e sitio y a cuminsa trata ambos herido, mientras tabata wardando riba materiaalwagen.

Un di e victimanan kende ta un dama a wordo transporta den un estado hopi critico pa hospital, pero lamentabelmente e otro victima a fayece na sitio, ta trata di e agente policial Leonard Boekhoudt di 34 aña.

Arubanative.com kier a extende su mas profundo palabranan di condolencia na famia di e fayecido.