Morgenster – Diadomingo anochi den careda di 9’or polis di trafico a bay poco mas pabou di Hooiberg Store, unda un accidente a sosode.
Na yegada polis a topa cu un Jeep Wrangler cerca di un cura di cas y cu basta sla dilanti. E chauffeur a tuma un bocht grandi y ta bay dal contra pilar di un cura di cas.
Den e auto tawata tin e chauffeur y su yui muhe.
E agente di trafico a constata cu ambos ta herida y a pidi Ambulance. Por a mira cu e cabayero a haya un golpi serio na su cabes banda robes, pero e tawata ariba pia papiando cu e polis.
Polis a constata cu e chauffeur ta bou influencia, pero debi na Covid-19 no por test e personanan aki pa nan mesun siguridad. Solamente cobstata manera nos a bisa anteriormente.
E accidente a sosode na Morgenster, pero segun e chauffeur te eybanda mes e ta biba y ta cas ta bayendo. Pero, esaki no tawata cuadra, debi cu e chauffeur ta biba na Santa Cruz y e pensando cu e ta cerca di Santa Cruz unda e ta biba.
Pues e la bruha completamente.
Dos ambulance a presenta y a atende cu ambos persona. E dama a bay Hospital, pero e cabayero no kier a bay Hospital apesar di e sla serio cu e la ricibi na su cabes. E lo a keda di bay mas despues.
Takelwagen lo mester a presenta pa bay cu e Jeep segun nos a compronde.
