Oranjestad – Den un entrevista cu Sra.Solange Tjon di AZV e la bisa cu dialuna mainta nan a haya informacion for di Colombia cu tin 44 pashent cla pa regresa Aruba.
Na inicio di Coronavirus AZV mester evalua cua pashent por a regresa y cua no.
E la sigui bisa cu debi cu frontera ta cera no ta facil pa trece un Charter for di Colombia.
AZV ta bezig cu un otro Charter pa trece tur e 44 pashentnan aki bek. A usa dos Charter na comienso y durante di e Coronavirus pa por a trece Arubianonan bek cu tawata na Colombia.
Segun Tjon, ta papiando na e momentonan aki cu un otro Charter pa mira con lo bay haci esaki. Algo cu normalmente ta ta dura 3 ora pa 3 dia awor debi na e situacion ta dura 1 pa 2 siman.
Proceduranan cu actualmente mester tene cuenta cu ne ta por ehempel cu Gobierno Colombiano mester duna aprobacion.
AZV ta pidi na e famianan un poco pashenshi pa por haya tur hende hunto, teniendo na cuenta cu tin pashent cu mester bay di un ciudad pa otro. Esaki ta e parti Logistico interno aya na Colombia cu tambe mester wordo regla.
Den un situacion normal cos lo por bay mas lihe, pero awor mester controla pa mira cu tur documento ta na ordo y pa tur cos cana bon.
Sra.Tjon a termina bisando cu nan spera cu dentro di poco e Charter aki por yega Aruba cu e 44 personanan.