Home Police Ralph Maduro deteni despues di a bringa cu Nelson ‘Speed’ Andrade

Ralph Maduro deteni despues di a bringa cu Nelson ‘Speed’ Andrade

SHARE

Pavia Country Club, Pavia: Diaranson den oranan di atardi tabata tin un candela den cas di ex-Minister Otmar Oduber y mane ta custumber e miembronan di prensa a bay cubri e candela aki.

Na e sitio tabata presente e miembro di prensa Sr. Nelson Speed Andrade y na momento cu e tabata cubriendo un live broadcast na e sitio, Ex Minister a bin bis’e pa e respeta su cas y a reclam’e cu ta tur dia e ta cabando cu su famia.

Speed a bis’e cu e ta respeta su persona y su cas, na e momento ey Sr. Ralph Maduro a cana yega cerca y a despues di un corto discussion, Ralph Maduro lo a push’e. Mesora despues cu Sr. Nelson Speed Andrade a wordo agredi pa Sr. Ralph Maduro, e la entrega un keho y Sr. Maduro a keda deteni. Polisnan a hinka Sr. Maduro den e patruya, wardando riba e transportwagen di polis pa transport’e pa Warda di Polis.

Despues cu Sr. Andrade a entrega e keho, e la bandona e sitio. Ambos tabata tin basta rasca na curpa, Ralph su paña tabata kibra y Speed tabata tur na tera.