Resort certifica LEED, ISO y HACCP ta demonstra su continuo y mehora compromiso pa garantiza e siguridad di su huespednan
EAGLE BEACH, Aruba – May 7, 2020 – Bucuti & Tara Beach Resort Aruba ta elevando e experiencia di su huesped nan door di duna nan mas siguridad cu nunca. Pareha nan ta sigui haci reservacion pa experencia e adults-only resort, na unda nan lo ta sigura di tin e vakantie mas sano y sigur di Caribe.
Reconoci manera e hotel cu mas eco-certifications den e region, Bucuti tin un historia largo di conscientisacion pa salud y siguridad pa su huesped nan y e planeta. Su protocol nobo pa COVID-19 a wordo desayora cu e principio nan stipula door di Center for Disease Control, recomendacion nan di World Health Organization y cu evaluacion nan personal y directo door di medico nan local di Unidad di Cuido Intensivo di Hospital (HOH y IMSAN) y e trahadonan di emergencia cu ta kedando na e hotel awor.
Un estudio ta demonstra cu biahero nan tin priodidad nan nobo Un estudio recien publica door di Magma Global Travel a puntra biahero nan pa indica kico ta importante pa nan den e momento nan aki cu hopi parti di mundo ta habriendo bek pa biahamento. E resultado a demonstra cu 86.3% di participante kier sa precies con “e hotel ta limpia su camber nan”. Un otro prioridad menciona door di 59.3% di participante tin di haber cu un hotel su cancellation policy y esaki lo influencia si nan lo biaha of no. Bucuti a tuma nota di e prioridad nan di salubridad y a implementa un flexible policy renunciando tur cancellation fees te cu 22 di December 2020.
Lo mihor den servicio social, pero distante = social distance Tur aspecto di un huesped su experiencia a wordo reevalua y revisa pa asina crea un vakantie completamente “touch-free”. Aruba a logra contene e virus COVID-19 exitosamente, pero e trahador nan di Bucuti lo continua di implementa nan protocol di siguridad vigorosamenta pa asina sigura e salubridad y siguridad di su huesped nan y empleado nan. Tur empleado lo wordo getest pa COVID-19 periodicamente y lo mester hasi un prueba di temperatura na comienso di tur dia di trabou. Cualkier persona cu ta demonstra simptoma sospechoso lo wordo manda pa wordo getest inmediatamanete.
For di e momento cu un pareha yega e resort te na e momento cu nan bai, nan lo experiencia e protocol nan hi-tech, “touch-free” y grado hospitalario combina cu Bucuti su hospitalidad cordial pa asina ofrece un experiencia similar na locual huesped nan ta acostumbra na dje.
Huesped nan ta wordo saluda door di nan concierge personal amigablemente na e acera y for di un distancia enbes di wordo duna un man. Despues di esey nan ta wordo hiba na nan camber directamente pa haci nan check-in via nan in-room tablet personal. Durante nan estadia, nan concierge personal ta na nan disposicion pa asina ningun huesped mester warda den e mes un area cu otro huespednan.
Protocol grado hospitalario y hi-tech Uzando tecnologia nan avansa y sofistica, e proceso tin cuatro fase cu ta garantiza pa area nan publico y camber nan di huesped nan ta completamente sanitario. Tur camber ta wordo desinfecta y seya te e momento cu e huesped yega. Uzando producto nan sin kimico agresivo, e proceso ta wordo administra door di empleado specializa den limpieza cu ta resulta den sterilisacion grado hospitalario cu ta afecta e aire y tur superficie:
- Stap 1. Uzando un solucion di limpieza aproba door di EPA y LEED cu ta contene dioxegen grado hospitalario y no dañino pa medio ambiente.
- Stap 2. Un tratamento di e camber cu AtmosAir Rainier Summit Ionizer cu lo kita cualkier humedad, bacteria of virus.
- Stap 3. Tratamento di e camber cu Sanidyne® Premium UV Portable Air and Surface Sanitizer
- Step 4. HEPA air-cleaners, locual semper tabata tin den tur camber, lo continua di duna e aire di mas puro riba e isla.
Un inversion grandi a wordo haci tumando calidad en cuenta. E inversion di e boutique hotel aki pa e tratamento di UV y Ionizers ta suprasa $100,000. Pa Aruba su clima tropical, Bucuti a selecta y implementa un proceso di proteccion superior cu tecnologia mas nobo di sterilisacion cu UV y ionizer units. E lampi nan ta emiti luz nan di UV y e ionizers ta proyecta ions cu ta elimina tur virus y bacteria. Finalmente, despues di steriliza e camber y seyando e cu un sticker na final, cada huesped por ta sigura cu nan ta drentando un camber completamente sanitario na un grado hospitalario. Ademas di esaki, na ningun momento un trahador lo mag di drenta e camber ora un huesped ta presente.
Iniciativa nan nobo ta forma parti di un base di safety protocols Dunando nos huesped nan siguridad y salubridad semper tabata importante pa Bucuti – decada nan promer cu COVID-19. Bucuti & Tara su compromiso na medio ambiente y wellness ta evidente den su inversion nan extensivo den tecnologia nan cu ta garantiza area nan publico y camber nan limpi y saludabel. Camber nan semper a wordo ekipa cu HEPA air filters y dehumidifiers pa asina huesped nan por inhala e aire di mas puro. Certificacion nan LEED, HAACP y ISO ta sigura huesped nan y empleado nan cu e protocol nan di limpieza semper a wordo implementa y cu esaki ta un principio importante pa e resort. Elogio nan reciente – certifica CarbonNeutral®, LEED Gold certificacion y Travel + Leisure magazine’s 2020 Global Vision Award – ta celebra Bucuti su exito den dunando su huesped nan e mihor ambiente hotelero.
Un experiencia di come, nobo Pa come na su restaurant, e mesa nan a wordo hala mas leu for di otro y e buffet popular di mainta a wordo cambia pa servicio a-la-carte treci door di un waiter. Cliente nan no lo uza e mes un menu nan mas y huesped nan di e hotel por trece nan mes un in-room tablet cu ta wordo limpia den un forma sumamente sanitario pa bestel online of for di un “social-distanced” waiter. Bucuti su cabana nan priva tambe ta ofrece pareha nan lo ultimo den e experiencia “socially distanced”.
Durante e momento ki cu ta un poco mas trankil, e propiedad ta te asta renovando su guests-only SandBar, locual lo continua di dispone di mas espacio pa cada pareha.
E lama cu mas espacio per pareha Bucuti & Tara semper a garantiza social distance pa cada pareha cu nan sun loungers distancia for di otro riba 24+ pia di santo blanco. Pareha nan ta disfruta di por combersa cu otro y pasa momento nan special, leu for di otro hende nan. E atmosfera di paz y trankilidad ta wordo experiencia door di ful e propiedad cu a wordo diseña pa pareha por sinti manera nan ta e unico nan riba e propiedad.
Open for business y acceptando reservacion Bucuti & Tara ta continua di ta habri. E propiedad aki cu semper a duna back na comunidad ta haciendo delivery di fine dining na local nan, ricibiendo huesped nan, aceptando reservacion y ta te asta yamando bonbini na e resort na e personal di Unidad di Cuido Intensivo di Hospital y e trahadonan di emergencia cu ta yudando e empleado nan di e resort cu training.
“Tur dia nos ta tende for di huesped nan y profesional nan den industria di biahe cu nan ta kla pa regresa na Bucuti & Tara y nos ta encanta di presenta nan nos protocol nobo “touch-free” cu lo duna nos huesped nan e trankilidad pa nan por enfoca riba locual ta mas importante – ta cu otro,” Doño/CEO Ewald Biemans ta conta nos.
Pa haya sa mas, bishita Bucuti.com
Mas over di Bucuti & Tara Beach Resort Renombra manera e prome CarbonNeutral®/net zero hotel den Caribe na Augustus 2018, Bucuti & Tara Beach Resort ta un di e Top 10 Hotels pa Romance na Mundo, No. 1 Hotel den Caribe, No. 1 Hotel pa Romance den Caribe (pa cuatro aña caba) y No. 1 Hotel pa Servicio den Caribe. Aruba su number un adults-only boutique resort ta wordo dirigi door di hotelier y ambientalista renombra, Ewald Biemans. Mr. Biemans a wordo reconoci manera Caribbean Hotelier door di Caribbean Journal den 2017. E resort ta situa riba e area di mas bunita di Eagle Beach y ta wordo rodea door di santo blanco. Ademas di esey e ta wordo reconoci manera e cas di tortuga nan protehi y un di e “Dream Beaches of the World”.
Bucuti ta ofrece 104 camber, suites y penthouses; sun loungers cu sombra pa cada huesped; infinity pool yena cu awa fresco; spa; WiFi; y un iPad complimentario cu Skype pa uzo durante e estadia. Plato nan saludabel y cu a gana varios premio por wordo disfruta frente di lama na Elements Restaurant, cu dining priva of den e Tara Lounge. Reserva exclusivamenta pa huesped y nan amigo nan, SandBar riba beach ta ofrece e mihor cocktails y musica live tur dia. Ademas di esey SandBar a introduci e isla su promer Healthy Hour. E resort ta TAG Approved® manera un LGBTQ-friendly hotel. Bucuti, reconoci manera un leader international pa tourismo sostenibel, tin varios eco-certifications manera LEED Gold, Green Globe Platinum, ISO 14001 y Travelife Gold. Den 2016 Bucuti a wordo nombra door di Green Globe manera e Hotel di Mas Sostenibel na Mundo.