Home Police Taxi Van a accidenta ariba Green Corridor, taxista a wordo transporta pa...

Taxi Van a accidenta ariba Green Corridor, taxista a wordo transporta pa Hospital

SHARE
Green Corridor – Diabierna atardi trafico dilanti Wayaca Falls direccion pa rotonde Mahuma a stagna, door di cu Taxi Van cu a accidenta. 

Pasando Wayaca Falls un Taxi Van a perde control y dal contra e blokinan cu ta separa e caminda.

Esaki a causa hopi daño na e Van sin conta tur e partinan di bloki cu a spart ambos banda.

Na e sitio un testigo a comenta, cu durante cu e Van tawata pasa ariba su banda drechi e lo a wordo cera pa un otro vehiculo. Esaki lo a pone a cu e taxista lo a maniobra y despues boks.

Na yegadda di Paramediconan nan a bay atende cu e taxista cu lo a ricibi golpi. Despues di algun rato den e Ambulance Paramediconan a dicidi pa transporta e chauffeur pa Hospital.