75
Oranjestad – Diadomingo atardi pasa di 4’or polisnan a haya informacion di un grupo di motociclistan ariba varios tipo di brommer causando desordo ariba Watty Vos Boulevard.
Segun informacion nan lo tawata blokea e rotonde entre rotonde Paperclip cu rotonde nobo di Tanki Leendert, pa nan por haci fever.
Polisnan a cansa aparentemente door cu ta varios biaha un grupo di brommer ta stroba y trece trafico den peliger.
Brommernan cu tawata haci problema tawata Dirt bikes(Scrambler), Scooter y Quadracers.
Manera e grupo a mira polis nan a cuminsa trata na huy, den area di Playa a logra detene algun.
Esnan deteni tur a wordo hiba den Transportwagen pa warda di Playa y nan brommernan a wordo kita di nan.