Home Police Dos chauffeur herida den accidente diadomingo merdia

Dos chauffeur herida den accidente diadomingo merdia

SHARE

Santa Cruz – Diadomingo merdia den careda di 1’or un accidente a sosode na  e crusda dilanti 88 Food Mart. Esnan den e area a laga sa cu ta trata di un accidente serio.

Na yegada di polis Ambulance tawata na e sitio, mientras uno mas tawata yegando. Den e accidente aki ambos chauffeur a resulta, uno cu sla na frenta y e otro dolor na pia.

Polis di trafico cu a yega mesora a cuminsa busca informacion. E autonan envolvi tawata un Honda HR-V y un Toyota Tercel. Chauffeur di e Tercel cu ta un cabayero lo a bay “take chance” o sea yega subi caminda.

E dama na stuur di e Honda biniendo for di panort a trata na kita pero asina mes a dal e Tercel. Paramediconan cu a yega a atende cu  ambos chauffeur y despues a sali direccion Hospital.

Polis mester a keda un rato te ora Takelwagen yega pa move ambos vehiculo.