54
En esencia ela splica cu ainda Gobierno bezig ta inventarisando e situacion financiero y cu e rumor di supuesto entrega di 40% di salario ta un rumor falso. Ademas a aclerea cu pago di overtime ta sigui normal. Pues no tin motibo pa panico.
Gobierno di Aruba ta hopi gradici y ta aprecia e servicio di miembronan di nos Cuerpo Policial, OM, Brandweer, CEA, KIA, GNC, servicionan medico, laboratorio, ambulans, HOH, BRA, DVG, IVG, Kustwacht, MKZ y di tur otro instancia of departamento cu ta trahando incansablemente pa salbaguardia e orden publico y/of salud di nos Pueblo.