Caya Ararut – Jaburibari, Diabierna den oranan di mainta polis di Santa Cruz lo a wordo manda un adres na Cashero, eynan un tata cu yiu lo tawata discuti o bringando ariba caya.
https://www.facebook.com/arubanative/videos/229261331760675/
Algun rato despues e yiu homber(17) lo a pasa man pa auto di su mama y sali bay cu esaki. E mama desespera y hopi rabia a yama polis.
Asina e bin splica polis kiko a sosode y pa nan para e auto manera nan hay’e. E la sigui splica polis unda e mucha homber lo por a bay.
E lo a menciona dos adres of sitio.
Patruya di Noord algo prome cu 11’or di mainta a bin topa den un di e areanan cu ta Jaburibari cu e auto. Mesora a dun’e un stopteken. Esaki tawata den Caya Ararut, na e parti panort.
Tawata trata di e vehiculo Great Wall Florid, enberdad den e auto nan a bin topa cu e hoben(17) y su amiga, ambos den paña por bisa di drumi ainda. Asina mas patruya a keda yega y agentenan a kita e jabi di e auto for di e hoben.
A prepara tur cos y a duna ambos un mondkapje y handschoen. E hoben tawata tin su mesun mask.
Na momento cu e transportwagen a yega na e sitio, e dos hobennan aki a wordo hinca den e Transportwagen y transporta pa warda di polis, unda cu lo yama ambos mayor pa presenta na warda y bay cu nan yiunan.
Aki por mira un caso lamentabel, unda cu no sa kiko por a bay robes mainta trempan.
