Home Police Chauffeur a bay sconde su auto despues di hit&run, polis a localise...

Chauffeur a bay sconde su auto despues di hit&run, polis a localise y a detene

SHARE
L.G.Smith Boulevard – Diahuebs den oranan di atardi polis a bay altura di Ritz Carlton, unda tin un Nissan Tiida kibra dilanti para.

Na yegada di Strand Politie nan no a haya e chauffeur di e Nissan y tampoco tawata mira e otro vehiculo envolvi.

Dos hoben ariba bicicleta tawata acercando e sitio a conta polis kiko nan lo a mira.
Tambe e hobennan a bisa polis cu unda e Nissan ta para eynan mes e accidente a sosode y cu e otro auto a bay sconde poco mas pariba.

Mesora agentenan a bay unda nan a wordo indica y enberdad a bin topa cu un Mitsubishi Lancer color blanco cu hopi daño material.
A papia cu e chauffeur cu tawata na e auto, pero esaki a cuminsa conta polisnan un storia cu no tawata cuadra.

Polisnan a bay bek unda e Nissan Tiida tawata y ta topa cu e chauffeur, cu ta un dama y a conta nan  cu e Mitsubishi Lancer a dal contra dje. E Nissan Tiida tawata bayendo zuid y e Mitsubishi a sali di e rotonde bayendo nort. Aki pa un of otro motibo a perde control y bay dal e Nissan.

Pero, enbes di para manera ley ta stipula e la dicidi di sigui core bay y bay sconde e auto.

Polis di trafico tambe a presenta pa asina haci nan investigacion y despues a bay over na detene e chauffeur di e Mitsubishi Lancer. E la wordo transporta cu Transportwagen pa warda di Shaba

No tawata tin persona herida den e accidente aki.