Home Police Durante TDQ a detene un muher y un homber canando riba e...

Durante TDQ a detene un muher y un homber canando riba e caminda di Oranjestad pa San Nicolas

SHARE

Wayaca: Diamars algo despues di mey anochi, na momento cu un patruya di polis tabata pasando dilanti airport, nan a bin nota un muher canando riba caminda bayendo direccion pariba.

Mesora nan a bay atende cu e muher, tabata trata di un adicto ambulante conocido di nan, e muher aki a keda deteni caba algun dia pasa den Oranjestad, pa motibo cu e tabata ariba caya durante Toque de Queda. Polis a bise tambe e dia ey, cu e mester busca un lugar pa e keda aden anochi pa mainta durante Toque de Queda.

Un poco mas pariba na altura di Wayaca Fall tambe a topa cu un homber canando bayendo direccion pariba, mesora polis a bay atende cu ne, e homber aki tambe e resulta di ta un conocido di husticia. E tambe a keda deteni, ambos a wordo deteni y transporta cu e transportwagen di CEA pa warda di polis.