Home International Merca: Homber a asesina su pareha pa miedo cu e señora tin...

Merca: Homber a asesina su pareha pa miedo cu e señora tin COVID-19 y despues a comete suicidio; a resulta cu ambos ta negativo pa e virus

SHARE

Chicago, Merca – Patrick Jesernik (54 aña) tawata tin miedo cu su pareha tawata contagia cu COVID-19.  Esaki despues cu e a ripara cu su pareha Cheryl Schriefer (59 aña) a cuminsa mustra locual parce sintoma di coronavirus.

Schriefer tawata sinti poco dificultad pa hala rosea anto esey a pone cu e a bay haci e test siman pasa pa check si e tin e virus. Esaki segun informacion cu su famia a conta autoridadnan, e señora tawata en espera di e resultado.

Segun cu mayornan di Jesernik ta conta,  nan no a scucha di e pareha den algun dia. 2 di april un conoci di e pareha a yama polis pa nan bay check na e cas si tur cos ta bon. Aki autoridad a topa cu e curpanan.

Drumi den camber separa tawata Sr. Jesernik y Sra. Schriefer. E caso ta aparenta un asesinato caba na suicidio (murder – suicide). Ta ser bisa cu e homber a tira su pareha patras di su cabes na un distancia hopi serca.

Ora cu e a caba di haci esaki e a comete suicidio, uzando e mesun revolver. Tur cos tawata netjes den e cas, nada kibra. Porta y bentana na lock tambe, pues niun señal cu lo tawata tin un lucha paden.

Famianan ta conta cu e homber tawata tin hopi miedo di e virus y cu su pareha por tawata tine. Segun autopsia, niun di dos tawata contagia cu coronavirus.

Oficina di Will County Sheriff ta bisa cu e pandemia a drasticamente aumenta yamada di violencia domestico y di crisis di salud mental.