Covid-19: Tene cuenta cu e Samenscholing ta prohibi, polis a cuminsa actua y bo lo wordo deteni

Caya G.F.Betico Croes – Diadomingo den oranan di atardi polisnan a cuminsa actua serio momento cu topa hendenan den grupo o sea Samenscholing.

Ariba Caya G.F Betico Croes, polisnan a bin topa cu un grupo di persona cu por  a wordo considera Samenscholing, y mesora a bay over na detencion.

Pues mesora a baha y a bay over na detencion, splicandonan tambe e motibo pakiko nan a wordo deteni.

Transportwagen a wordo pidi unda a transporta tur hende pa warda di polis.

E mensahe ta duidelijk, no mag di tin aglomeracion di hende, mester mantene distancia.

Samenscholing ta prohibi, si toch bo kier haci’e tene na cuenta cu bo lo wordo deteni.

Tur esaki ta pa evita cu e Covid-19 sigui plama.