Home International Prome Minister Britanico Johnson(55) a wordo interna na Hospital, e Prome Minister...

Prome Minister Britanico Johnson(55) a wordo interna na Hospital, e Prome Minister ta infecta cu coronavirus

SHARE

Londen: E Prome minister di Gran Britania, Boris Johnson ta interna na hospital. Segun e vocero di e Prome Minister, esaki a sosode despues cu Johnson tabata tosa hopi y a haña keintura.  

Recientemente Johnson mes a sali bisa cu ela test positivo pa cu coronavirus. Na comienso ela bay den isolacion na su cas, pero Diadomingo e mester a wordo interna na hospital riba conseho di su dokter.

Segun e gobierno Britanico, Johnson a wordo interna solamente pa precausion. Segun e vocero di e Prome Minister, Johnson ta den bon estado di salud y a pasa e anochi bon. Johnson lo keda pa observacion algun dia mas den St. Thomas Hospital, na Londen.

Maske cu Boris Johnson ta den funcion ainda como prome minister di e pais, pero door cu e ta infecta cu coronavirus e no por atende reunionnan importante . Esaki ta wordo haci pa e Minister di asuntonan exterior, Dominic Raab, pa motibo di e enfermedad Johnson no por cumpli cu su tarea como Prome Minister y Raab ta cumpliendo cu esaki pa Johnson.

Fuente: Reuters