163
Sividivi: Dialuna algo prome cu 7’or di anochi patruya di playa a wordo dirigi na un cas na Sividivi pa un problema cu tabata bayendo for di man.
Na yegada nan a bin topa cu un dama basta bou influencia di alcohol, tabata haciendo hopi fastioso. Mesora e agentenan policial a bay papia cu e dama y nan a bin ripara cu ela bebe un botter grandi di whisky casi full. E dama no kier a rasona y a bira un poco fresco cu polis.
No a keda e agentenan policial na e sitio nada otro cu detene e dama aki y pidi pa transport di polis. E dama aki a wordo transporta pa warda di Shaba unda elo haya un cuarto gratis te ora e bin bek na tino.