Home Local Video: Di loke nos nunca por a biba pensa a pasa, un...

Video: Di loke nos nunca por a biba pensa a pasa, un Aruba bandona y tristo

SHARE

Si bo ta un persona cu ta stima Aruba, mirando e video aki te na final, sigur bo wowo mester yena cu awa. bo lo yora.

Palm Beach, Eagle Beach, Druif Beach: Aruba desde hopi decada caba tin su bishitantenan fiel. Nos turistanan cu tabata bin pasa vakantie cu famia, honeymoon, of te hasta nan so, paso Aruba ta conoci como un isla felis, un isla sigur, caminda 365 dia pa aña tin solo, lama blauw y hendenan amabel y hospitalario.

Nos Aruba ta biba di loke e turista ta gasta durante su estadia.

Pero awo un sorpresa amargo a bati na nos porta, un virus desconoci cu a bin for di otro parti di mundo hopi leu aya, a bin caba cu nos dushi bida y nos entrada principal. Esaki pa un tempo indefini, por ta pa algun siman, algun luna, tur cos ta depende riba e comportacion di e virus aki.

Awo tur turista pa nan bon y pa di nos a bandona nos isla. Esaki a bin ta pasando poco poco den e ultimo dianan aki. Nan a laga un bashi enorme cu nos mes no ainda no por realisa.

Parkeerplaatsnan, e walkwaynan y camindanan bashi. Esaki ta haci nos como Arubiano hopi dolor, pero alabes e ta siñanos tambe aprecia nos turistanan mas, ohala cu pronto nan tey bek, pa nan grita, pa nan hari, pa nan bebe haci “fastioso”, paso No tin ni un luna y ya caba nos ta hayanan falta hopi.

Palm Beach, Eagle Beach y Druif Beach ta refleha un tristesa, un bashi grandi, falta nos bishitantenan pa e lugarnan aki bira felis bek.

Normal un mainta pa merdia nan ta cana shop, nan sinta ta come of bebe, tin ta djis drumi riba beach cu nan coffee of nan drinks. Tourbus, Jeep tours, atv y utv tours, v car, bais, brommer etc tur ta warda, camindanan bandona.

Ainda nos ta scucha e zonido di lama, pero e papiamento di turista no tey mas. Esaki a laga un bashi enorme atras.

Mira e video, pensa y realisa con importante turismo ta pa Aruba. Un Aruba sin turista ta un Aruba tristo, un Aruba bandona, un Aruba cu ta yora su bishitantenan.
Ohala cu pronto nos por ta habri bek pa turistanan, pa nos por brasanan yamanan BON BINI, pa nos papia, hari cu nan y bisanan WE MISSED YOU GUYS.