Home Police Personanan cu no tin nan famia of otronan na pecho a benta...

Personanan cu no tin nan famia of otronan na pecho a benta clabo riba e caminda di Watty Vos Boulevard

SHARE

Watty Vos Boulevard: Diamars anochi, durante e Toque de Queda, na momento cu polisnan tabata patruyando riba Watty Vos Boulevard, entre e Paperclips Rotonde cu e rotonde di Tanki Leendert, na altura di e casnan di FCCA, polis a bin topa cu un cantidad di clabo benta riba caminda.

Un of mas persona cu no bon intencion a benta esakinan riba e caminda aki. E hecho aki ta di condena, pa motibo cu e caminda aki polis, ambulance, brandweer lo por usa pa yega na un incidente mas liher cu ta posibel y si nan haya flat tire, sigur esaki lo obstaculisanan di yega liher pa duna e prome asistencia.

E persona of personanan cu a haci esaki ta, ta personanan cu no tin seriedad di e situacion, mirando cu si den un caso di emergencia no ta solamente polis, ambulance, brandweer ta pasa eyriba, pero un dokter cu mester bay salba un bida na hospital, un persona den un auto cu mester yega liher hospital pa haya tratamento medico cu e ta depende di dje.
E mas tristo ta cu e por ta trata di nan famia, nan brother, nan pareha etc. Anto pa motibo di un wega sin sentido, un hende perde su bida.