Turibana: Diadomingo algo prome cu 3’or di atardi a sosode un accident na Turibana, esaki a sosde na e T weg pazuid di Yen Yen bar. Mesora a pidi pa presencia di polis di trafico y ambulance.
Na yegada e chauffeur di e Hyundai Blanco, dienstauto D 367, kende ta un polis a conta cu e tabata para na e T-kruising y su dilanti tabata tin un auto, na momento cu un otro auto tabata biniendo di direccion panort a bay lora pa bay abou, y segun su persona su beurt a yega pa subi caminda, ela sali pero pa su sorpresa a presenta un Chevrolet color oranje su dilanti cu consecuencia cu ela dal contra e chevrolet. Den e Chevrolet tabata tin dos dama cu lo a keda levemente herida.
Ambulance a presenta y a duna e dos damanan aki asistencia medico. Polis a tuma tur datos y TRS tambe a presenta. E daño material tabata considerabel. takel wagen mester a transporta e Hyundai Accent pa Warda di Santa Cruz.
