Aparentemente esaki lo ta e di 5 persona cu lo a test positivo. Mientras tanto e prome persona cu a test positivo, a recupera, no tin e virus mas y por a regresa su pais.
Na Aruba tin 5 persona cu a test positivo, pero actualmente na Aruba tin 4 persona infecta.
Aeropuerto Internacional Reina Beatrix:
Recientemente un empleado masculino den su 30, trahando cu un agencia cu ta atende cu buelonan di aereolinea Mericano a yega na pia di trabou despues di un vakantie na Merca. Su coleganan a nota cu e tabata mustra bastante malo. Ela wordo pidi pa bay haci e Coronavirus test, cual ela haci y e test a sali positivo.
Airport mesora a cuminsa tuma tur medida di precausion necesario pa su trahadornan y tambe su bishitantenan.
Tur e empleadonan cu ta core e riesgo, cu tabata tin contacto cu e persona aki , inmediatamente lo mester bay riba ‘COVID Leave’, nan a bay di biaha cas.
Na e momentonan aki airport ta haciendo e investigacionnan necesario pa haya sa ken tur tabata tin contact di cerca cu e persona aki.
Den oranan di Diahuebs merdia, un team di limpiesa lo haci e areanan unda e persona aki tawata trahando y tambe e areanan den cercania limpi.
Airport lo sigui monitor e situacion y lo tuma medidanan necesario.