Diaranson proximo 18 di Maart 2020 nos faro, esta California Lighthouse, lo ta habri un biaha mas pa publico pa celebra Dia di Himno y Bandera. Aki lo tin oportunidad unico pa grandi y chikito por subi den e faro y bay te na e top. Ariba por disfruta di un bista panoramico y unico. Por haya un bista den 360 grado rond di nos isla di Aruba. Algo excepcional pa por experencia. Pa e dia special aki di Himno y Bandera tin un prijs special di solamente 5 florin pa tanto adulto como mucha. E faro lo ta habri for di 9’or di mainta te cu 7’or di anochi. Ta invita tur hende pa bin saca potret di e monumento aki cu a wordo construi entre 1914 y 1916. Pa mas informacion por subi riba epagina di Facebook di California Lighthouse. Credito Fotografo: Wings Global Media Aruba