73
Caya Ing.Roland Laclé – Diamars merdia algo prome cu 2:30 informacion a drenta cu un auto lo a bolter den Caya Ing.Roland Laclé y cu lo tin hende herida.
Na yegada di polis ya Ambulance tawata bezig y tambe Materiaalwagen tawata na caminda.
Den e auto lo tawata tin dos dama, di cual un a keda pega y mester a wordo yuda door di bomberonan pa por a sali.
Mientras e otro dama a sali y cana subi ambulance.
E auto envolvi tawata un Suzuki Vitara cu tawata bayendo direccion nort y dado momento elo a dal contra sea e acera of un pida troncon seco y kentel kedando di banda memey caminda.
A dura algun minuut prome cu a logra saca e dama for di e auto y e tawata mustra di ta den basta dolor.
Ambos a wordo hiba Hospital.
Polis mester a cera Caya Ing Roland Laclé bin nort, pa e unidadnan di rescate por a haci nan trabou.