Oranjestad, Aruba – Maart 3, 2020: Algun rato pasa a hasi un control ariba un avion Jet Blue, segun protocol y proceduranan standard di Directie Volksgezondheid Aruba, pa cu un pasahero cu algun sintoma di griep. Mesora a tuma tur precaucionan posibel pa cu e caso aki y a hasi e controlnan necesario riba e pasahero pa descarta cualkier duda.
Nos kier remarca y confirma di biaha cu te ainda no tin ningun caso sospechoso ni confirma di Coronavirus aki na Aruba.
Ta keda corda tur hende si pa keda laba man cu awa y habon of husa hand sanitizers cu minimo di alchol 60% y si acaso cu por ta sinti malo y a bin di un di e paisnan cu tin e virus aki, mester yama nan dokter di cas mesora pa asina nan por hasi un control medico de inmediato.
Pa cualkier pregunta, por contact Departamento di Salud Publico Aruba na 522-4200.