32
Wayaca – Diasabra anochi polis y brandweer a bay un cas den Wayaca Residence, pa un cas na candela. Prome na e sitio tawata polis y enberdad a constata cu e parti ariba di e cas ta na candela.
Un persona so tawata na cas y e tawata para pafo.
Den algun minuut dos unidad di Brandweer a yega y bomberonan mesora a baha bula cura y prepara pa cuminsa combati e candela.
Bomberonan a cuminsa combati e candela for di dos angulo y den algun minuut e logra paga e candela cu tawata den un camber ariba.
Elmar tambe a yega y bay over na kita e coriente.
No ta conoci kiko por a ocasiona e candela aki. Daño na e propiedad ta considerabel.
Departamento tecnico y Slachtofferhulp tambe a wordo notifica.
